tere sadke mein yun sajda hum karte rahe
teri dikhaayi raahon pe hum chalte rahe
fir bhi na mila humein wo saath tera
jise paane ke liye hum aag mein jalte rahe
kal jab laga us mukaam par aa phunche hum
ki tere dil me wo jagah humne paa li hai
tabhi aaina tootne ki us awaaz ne humein
aati hui us aandhi se rubaru kara diya
jo bana tha wo ret ka mahal ab tak
tez lehron ne usko bhi gira diya
gam nahi is baat ka ki sab barbaad hua
udaasi hai ki humko tumne kehne na diya
iski sun li uski sun li har baat
aur humse bas yun faasla kar liya