Mohabbat

Nam hai aaj ye aankhen hamari

shayad bahar baarish aane lagi hai

mausam jaise hi thoda sard hua

tumhaari yaad sataane lagi hai

aa jaao laut kar tum paas hamare

mohabbat ab bhi tumhi se hum karte hai

ek arsa hua hai muskuraye hue

bas chup chaap tanhaa bhatka karte hai

kehne ko bheed hai har taraf hamare

andar ki awaaz koi sun paata nahi

kahi thi tumse jo dil ki baat humne

aur koi samajh wo paata nahi

chod dete hum bhi jeena magar

apni mohabbat nibhaa rahe hain

kisi mod pe tum pukaar lo na humein

bas isi liye hum jiye jaa rahe hain

hamari mohabbat ka tum gam na karna

deewane hai hum deewangi kiye ja rahe hain

(C) Deepanshu Pahuja