kuch haseen pal.

kuch bikhre pal yun aaj yaad aa gaye

sukhe is mausam mein akhiyaan bhigaa gaye

wo masti wo galiyaan wo baatein banana

wo khoyi hui raahein fir se dikhaa gaye

waqt ke sath peeche chod aaye the jo hum

wo manzar yun aaj saamne aa gaye

kaash rok sakta main us waqt ko

to aaj yun wo yaad aaye na hote

tum door na hote ye yaadein na hoti

kal ki tarah hi hum sang sang hote

hum sab ek saath hote the sab to

duniya ko piche hi chod jaate the hum sab

hanste the gaate the, man ki sunaate the

har baat ek dusre ko batate the hum jab

wo mausam tha khoobsurat hansi wo pal the

kabhi hanste aaj the aur kabhi hanste kal the

wo din yaad mujhko aate hai yaad jab bhi

lagta hai yaad tumne mujhko kiya hai

hansta hun us waqt ko yaad karke

ki dosti ko humne kabhi to jiyaa hai